Tuesday, February 19, 2019

Զբոսաշրջության ոլորտը կառավարության ծրագրում













Կառավարության ծրագրի զբոսաշրջության ոլորտն եմ ուսումնասիրում ու փորձում եմ իմ օգնությունը ցույց տալ: «Ինչը» կա ծրագրում, «ինչպեսը» կարծում եմ մենք պետք է ասենք, կամ հարց տանք, որ ծրագիրը դառնա կենդանի ու իրագործելի: Սկսեմ բոլոր կետերով անցնել հերթականությամբ:


  • Զբոսաշրջիկների համար տեղանքների և տրանսպորտային ուղիների հասանելիությունը բարձրացնելու նպատակով կարևորվելու է օտար լեզուներով ուղեցույցներով,  համապատասխան փողոցային և  զբոսաշրջային վայրերում նշաններով կահավորումը։
Իմ կարծիքով դա ավելորդ ծախս է: Ինչպես պետք է իմանանք, թե որ լեզվով լինեն ուղեցույցները: Իհարկե, բոլորը կասեն անգլերեն և ռուսերեն, բայց դա ինձ համար ճիշտ չէ, քանի որ ոչ բոլորն են տիրապետում այդ երկու լեզուներից գոնե մեկին և նրանք պարտավոր էլ չեն: Արդեն 21-րդ դարն է և  փոխարեն փողոցը լցնել բազմաթիվ ուղեցույցներով ու նշաններով, կարելի է օգտվել հատուկ ծրագրերից, որոնք ցույց են տալիս քո նախընտրած վայրի հասցեն և ճանապարհը: Կհարցնեք՝ իսկ ինչ անել նրանց համար, ովքեր չունեն սմարթֆոններ, հավատացեք այդպիսիք գրեթե չկան:

  • Զուգահեռաբար պետք է առանձնացվեն զբոսաշրջային մեծ ներուժ ունեցող զբոսաշրջային ենթաճյուղեր՝  էկոտուրիզմ, գաստրոտուրիզմ, էքստրիմտուրիզմ, էթնո տուրիզմ՝ համաշխարհային շուկայում Հայաստանը թիրախավորված դիրքավորելու և համապատասխան հետաքրքրություններ ունեցող զբոսաշրջիկների համար մեր երկիրն առավել գրավիչ դարձնելու նպատակով։



Զբոսաշրջիկներին գրավում են տարբեր բաներ, մեկին գրավում է պատմական թանգարաներն ու հուշարձանները, մյուսին զվարճալի վայրերը, մյուսին  բնությունն ու հանգիստը: Եթե ուզում ենք զբոսաշրջության ոլորտը բարձր լինի մեր երկրում, իմ կարծիքով թվարկածներս պետք է համապատասխանեն իրականությանը, այսինքն զբոսաշրջիկների և ոչ միայն նրանց, նաև հայերի համար պետք է ստեղծվեն հանգստի գոտիներ կամ զվարճալի վայրեր:  Զվարճալի վայրերում կարող են լինել խաղեր, որոնցով զբոսաշրջիկները շատ բաներ կսովորեն Հայաստանի, կամ այն երկրի մասին որտեղ որ այցելել են: Էթնոտուրիզմը լայն զարգացում ունի հարևան Վրաստանում: Մենք հազարամյա պատմություն ունեցող ազգ ենք ու բոլոր պայմաններն ունենք այն զարգացնելու համար, համոզված եմ, որ Ազգագրության թանգարանը այս ուղղությամբ շատ անելիք ունի: Եվ առհասարակ, բոլոր թանգարանները վաղուց հնացած են, պատերի մեջ խեղդված, պետք է նրանք դառնան էթնոտուրիզմի զարգացման նախաձեռնողները:



  • Պետք է աջակցել համայնքներում զբոսաշրջության զարգացմանը, տեղական ավանդույթների վերականգնմանը:

Եթե ուզում ենք, որ համայնքներում զարգանա զբոսաշրջությունը և միաժամանակ տեղական ավանդույթները վարականգնվեն և տարածվեն, իմ կարծիքով հյուրանոցների կամ հյուրատների փոխարեն կարող են համայնքի ընտանիքները հյուրընկալել զբոսաշրջիկներին: Դա կարող է իրականացվել այսպես. հյուրընկալողներին հատկացվի ինչ-որ չափի գումար և նրանք զբոսաշրջիկների հետ ժամանակ անցկանցնեն, պատրաստեն տեղական ավանադական ուտելիքներ և տարածեն մեր ավանդույթները: Այդպես զբոսաշրջիկները ավելի մոտիկից և գործնականորեն են ծանոթանում մեր ավանդույթներին: Հյուրանոցում կամ հյուրատներում նրանք ուղղակի գիշերում են,  իսկ համայնքի տներից մեկում ապրելը զբոսաշրջիկների վրա մեծ տպավորություն կթողի:


No comments:

Post a Comment

Կյանքից կախված

Այսօր ստեղվծող գրականություն Կարդալով Սյունե Սևադա  Կյանքը չափազանց բարակ թելի վրա է, հարկավոր  է ամեն ինչ՝ ինչ կա կյանքումդ, հենես ապա...