Thursday, September 17, 2020

Ալեքսանդր Մյասնիկյան

 Ալեքսանդր Մյասնիկյանը ծնվել է  1886 թվականի փետրվարի 9ին,  Նոր Նախիջևանում: Կրթությունը ստացել է Մոսկվայի պետական համալսարանում, մասնագիտությամբ իրավաբան է: Ուսանողական տարիներին ակտիվորեն մասնակցել է հեղափոխական շարժումներին։ Մահացել է 39 տարեկանում, Թիֆլիսի օդանավակայանում՝ օդանավի վթարից: 

  Երբ 1905 թ. աշնանը Պետերբուրգում ցարական ինքնակալության դեմ սկիզբ առած գործադուլների ալիքը հասնում է Մոսկվա ու դեկտեմբերին վերածվում զինված ապստամբության, որին մասնակցում էր նաև ուսանողությունը, Ալ. Մյասնիկյանը դառնում է դրա ակտիվ մասնակիցը: Վերադառնալով Մոսկվա` Ալ. Մյասնիկյանն ուսումնառության հետ զբաղվում է հեղափոխական գործունեությամբ:  

1906 թվականին, իր ընդհատակյա հեղափոխական գործունեությունը շարունակել է ուսոնողության շրջանում՝ Մոսկվայի համալսարանի իրավաբանական ֆակուլտետում: Նույն տարում ցարական ժանդարմերիան խուզարկություն է կատարել նրա բնակարանում ու հայտնաբերել անլեգալ հեղափոխական գրականություն, որի համար էլ ձերբակալվել և նահանգապետի կարգադրությամբ, որպես վտանգավոր անձ, արտաքսվել է Մոսկվայից` զրկվելով Ռուսաստանի երկու մայրաքաղաքներում բնակվելու իրավունքից: Ոստիկանների հսկողությամբ նա մեկնել է Բաքու, որտեղ էլ մինչև 1908 թ. ծավալել է հեղափոխական գործունեություն: 

1921 թվականաի Մայիսի 21-ին Հայաստանի հեղկոմը վերակազմվում է և նրա հիման վրա ստեղծվում է ՀԽՍՀ Ժողկոմխորհը, որի  նախագահն է ընտրվում Մյասնիկյանը:



Tuesday, September 15, 2020

Ուղղագրական առաջադրանքներ


                     
  Ը
      1. Ո՞ր շարքի բոլոր բառերում է գրվում ը
  • խոչընդոտ, անընտել, ակնթարթ, մթնկա
  • կորնթարդ, որոտընդոստ, առընթեր, սրընթաց
  • օրըստօրե, հյուրընկալ, գահընկեց, անընդմեջ
  • ինքնըստինքյան, լուսնկա, ճեպընթաց, մերթնընդմերթ
                   
Օ-Ո
  1. Ո՞ր շարքի բոլոր բառերում է գրվում օ.
  • անօրեն, տնօրինություն, օրըստօրե, օրորել
  • մեղմորեն, մեղմօրոր, միջօրեական, քառորդ
  • առօրեական, աշխարհազոր, հօգուտ, հոդս ցնդել
  • ապօրինի, նոխօրե, վաղօրոք, հանրօգուտ
   
      2. Ո՞ր շարքի բոլոր բառերում է գրվում օ

  • հնօրյա, փայտոջիլ, միջօրեական, օրեցօր
  • նախօրոք, աշխարհազոր, ազգօգուտ, գիշերօթիկ
  • հանապազորդ, անօթևան, թախծօրոր, ականջօղ
  • հանապազօր, առօրյա, անօրինություն, ոսկեզօծ

      3.Ո՞ր շարքի բոլոր բառերում է գրվում ո
  • արագոտն, պնդօղակ,  հոտնկայս, հրանոթ
  • քնքշօրոր, հնգօրյակ, վաղորդյան, նրբորեն
  • հանրօգուտ, անորակ, հատորյակ, հանապազօր
  • հանապազորդ, եռոտանի, կրծոսկր, լացուկոծ



Է-ե

  1. Ո՞ր շարքի բոլոր բաեռում  և բառաձևերում է գրվում է։
  • ջրէջք, նախօրե, դողէրոցք, չէինք
  • հէկ, էլեկտրաէներգիա, առէջ, երբևէ
  • անէնանալ, միջօրեական, լուսնէջք, որևէ
  • մանրէ, էրեբունի, թեական, չէտել


       2. Ո՞ր շարքի բոլոր բաեռում  և բառաձևերում է գրվում է։
  • դողէրոցք, լայնէկրան, չէիք, վայրէջք
  • առէջ, վերելք, ովևէ, բազմերանգ
  • ամենաէական, աէկ, սեգ, աշտեակիր
  • ելևէջ, պոետ, հնէաբան, առօրեական

      3. Ո՞ր շարքի ոչ մի բառում չի գրվում է։
  • հրեշ, այժմէական, անէանալ, տենդ
  • առօրեական, որևիցե, վայրէջք, ոստրե
  • հյուլե, անեզր, գոմեշ, ջէկ
  • սիերգ, հետզհետե, միջօրե, երբևիցե


Ի, ե, յ
Ա. Հետևյալ բառերում
Մատյան, քվեարկել, հեքիաթ, ատյան, լռելյայն, միլիոն, միմիայն, կղզյակ, միմյանց, ակադեմիա,, հրեա, կրիա, պատյան, օվկիանոս, իշայծյամ, մարմարիոն, քամելեոն, խավիար, դղյակ, քվեաթերթիկ,  բամիա, եղյամ, դաստիարակ, աղավնյակ, մանիակ, փասիան, ռադիո, մումիա, խարտյաշ, յասաման, ծիածան, թեյարան, քվեատուփ, ամբիոն, բրաբիոն, ծովեզրյա, պատանյակ, հրեական, էքսկուրսիա, գոյամիջոց, զորակայան, յաթաղան, կաթսայատուն, շղթայաձև, ոսպնյակ, շուրջերկրյա, ժանյակազարդ, որդյակ, այծյամ, բարյացկամ, օրիորդ, միլիարդ, դշխոյական  
Բ. Անձնանուններում՝
Անանիա, Ազարիա, Աիդա, Ամալյա, Ամասիա, Արաքսյա, Արփիար, Ասյա, Բունիաթ, Բենիամին, Գաբրիել, Դանիել, Եղիա, Եղիազար, Երեմիա, Երմոնիա, Զաքարիա, Էմիլիա, ԷԼյա, Իլյա, Լիլյա, Լյուսյա, Հրաչյա, Մանյա, Մետաքսյա, Մարիանա, Մարիետա, Մարիամ, Ջուլիետա, Սուքիաս, Սոֆյա, Սրապիոն, Վիկտորյա, Վոլոդյա, Տարիել, Օֆելյա, Նապոլեոն, Արուսյակ
Գ. տեղանուններում՝
Ասիա, Ադրիատիկ, Անգլիա, Բյուզանդիա, Բյուզանդիոն, Բուլղարիա, Զապորոժիե, Մեծ Բրիտանիա, Մոնղոլիա, Շոտլանդիա, Պովոլժիե, Սոֆիա, Վիետնամ, Վիեննա, Վիտկորիա:

Վարժություններ
Կետերի փոխարեն ավելացնել յ հնչյունը այն բառերում, որոնց մեջ գրվում է.
Վերարկուի,միջօրեի, վայրկյան, Սերգեյի,  կարկաչյուն, կարկաչուն, ճյուղ,  շյուղ, Կարինեի, Կարոյի, մրջյուն, տույժ, հեռակայել, Միքայել, լռելյայն, ջղային, ատամնաբույժ, սկեսրայր, վիլայեթ, աշխույժ, հայելազարդ,Ռաֆայել, շրջագայել, Անդրեյի, երկրպագուի, երեխայի, Քրիստինեի, միակ, Իսրայել, էական, Մարոյի, հարսնացուից, հայեցակետ, միայնակ, խնայել, խոխոջյուն, խոխոջուն, հայելի, լեգեոն, Նաիրի, նաիրյան, հմայել,այրուձիի, դիմակայել, հարյուրակ, սյունակ, վաշխառուի, պայուսակ, Սոնայի, Անիի, սերմնացուով, ժողովածուում, զգույշ, եղբոր, վայելուչ, մսացուից, վայելչագրություն, աղյուսակ,  մարգարեություն, ձիեր, հետիոտն, տիեզերք, րոպեական, արքայորդի, գայիսոն, շառաչյուն, շառաչուն, բուի, անասնաբույժ, հայեցակարգ, քնքուշ

Ը
Հյուրընկալ, անակնկալ, դյուրընկալ, առնչվել, երկնչել, խոչընդոտ, ակնթարթ, դասընթաց, մթնկա, անընթեռնելի, խոյընթաց, չըմբռնել,, նախընտրել, սրընթաց, խաղընկեր, ձեռնտու, ըմպելիք, առընթեր, ակնդետ, դյուրընթեռնելի, չընկնել, անըմբռնելի, դրմբոց, օրընդմեջ, այլընտրանք, ճեպընթաց, անընդունակ, ակնբախ, ընթանալ, զուգընթաց, համընկնել, չընդդիմանալ, երկընտրանք, կորընթարդ, համընթաց, գահընկեց, գիրկընխառն, զմռսել, ընթերակա, ինքնըստինքյան, չընկճվել, ամենաընտիր, մթնշաղ, անընդունելի, անընդմեջ, որոտընդոստ, ձկնկիթ, ամենաընդունակ, հոտնկայս, անընդհատ, չընդունել, չնկըրկել, ընչացք, մերթընդմերթ, գույնզգույն, գործընկեր, գյուրըմբռնելի, հետզհետե, մեջընդմեջ, չըմբոշխնել, վերընթաց, ընձուղտ, մակընթացություն, օրըստօրե,  արագընթաց, դասընկեր, ամենաընդունելի, լուսնկա, վերընձյուղվել:
      

        Դասընկներով անակնկալ մի որոշում կայացրինք՝ արշավ կազմակերպել դեպի Մայմեխի կատարը և ամրացնել հայոց եռագույնը: Ակնթարթորեն ընդունված որոշումը բոլորիս ոգևորեց:
    Վերընթաց ճանապարհն անցնում էր որոտընդոստ գետակին զուգընթաց: Ծառերը մթնկա անտառում թվում էին գիրկընդխառն կերպարանքներ և անըմբռնելի երկյուղով լցնում մեր սրտեռրը: Վերելքը դժվարին էր, բայց, ինքնստինքյան հասկանալի է, որոշեցինք հաղթահարել խոչընդոտները և չընկրկել: Լուսնկան նոր էր անհետացել երկնակամարից, երբ հասանք հովվական վրանների, որտեղ մեզ հյուրընկալեցին ջերմորեն: Նախընտրեցինք չհանգստանալ և ոտքի վրա մի-մի բաժակ կաթ ըմպելով՝ առաջ ընթացանք: Կորընթարդ բլրակները  թվում էին անվերջանալի: Որքան բարձրանում էինք, սրընթաց գետակի ջրերն ավելի զուլալվում էին, և մենք մերթընդմերթ տեսնում էինք արևի տակ ցոլացող կարմրախայտ ձկներին, որոնց, ասում են, ձկնկիթ են դնում բարձր, անմատչելի ակունքներում: Հետզհետե օրը ցրտեց, և դաշտային բուսականության փոխարեն մեր առջև փռվեցին ալպյան գույնզգույն ծաղիկներ:
   Վերջապես սարի կատարին ենք: Ակնդետ նայում ենք հրաշալի բնապատկերներին և սքանչանում: 
       

Օ-Ո


Առօրյա, թռչնորս, ողորկ(Խորդուբորդություններ չունեցող, հարթ, կոկ), անօրգանական, բարորություն, բարորակ, անդորրություն, անօրինակ, անորսալի, անօգուտ, որբանոց, տափօղակ, փող, հոյորդի, ովքեր, օդդանավ, սալորօղի, անօգտակար, դեղնազօծ, օրրան, միօրինակ, ամենաորակյալ, շտապօգնություն, ջրօրհնեք, այդօրինակ, հօգուտ, հոգուդ, օվկիանոս, անօգնական, հոգս, բնօրրան, օրորոց, փղոսկր, կրկնօրինակ, խաղաղօվկիանոսյան, մեղմօրոր, մեղմորեն, ցածրորակ, անորակ, անագոտն, առօրեական, միջօրե, միջօրեական, բարձրորակ, օթյակ, կիրակնօրյա, վաղորդյան, որմիզդուխտ, օրըստօրե, նախօրոք, չօգվել, չօգնել, չոգևորել, բնօրինակ, գիշերօթիկ, նորաոճ,  շաբաթօրյակ, չօգտվել, ողոքել, երկարօրյա, չարորակ, այսօր, պարզորոշ, օրեցօր, տարորոշել, կեսօր, հանապազօրյա, հանապազորդ, ամենօրյա, ամանոր, հրանոթ, փորձանոթ, անօթևան, անոթի, հնոտի, սնոտի, տոթ, օթոց, տնօրեն, քնքշորեն, քնքշօրոր, նրբորեն, փոխօգնություն,չօգտագործել, գանգոսկր, հնաոճ, ոսկեօղ, ճովողյուն, անողոք, պնդօղակ, կողակ, անօդ, անոթ, գիշերանոթ, վառող, ընդօրինակել, օդապարիկ, ով, հօդս ցնդել, հոտնկայս, արփիազոծ, հիմնովին, եղբորորդի, ոտանավոր, զօր ու գիշեր, գիշերուզոր, վատորակ, արծաթազօծ, լացուկոծ, անողնաշար, տարօրինակ, քեռեորդի, հակաօդային, հակաօրինական, նմանօրինակ, նորօրյա, սառնորակ, տասնօրյակ, հատորյակ, հնգօրյակ, երվորյակ, հնօրյա, բացօթյա, ապօրինի, օրոցք, օթևան, անօրեն,, նախօրե, թիկնոց, օթել, վաղօրոք, արջաորս, սևորակ, շորորալ, եռօրյա, ականջօղ:

 Օդանավը թռչում է հնօրյա երկրի՝ Հայաստանի վրայով: Միօրինակ հռնդյունից ձանձրացած՝ դիտում ենք բացօթյա թանգարան համարվող յուրօրինակ լեղնաշխարհը:
     Վաղորդյան արեգակի ճառագայթները  հոծ ամպերի միջով լուսավորել են դեղնազօծ արտերը, արծաթազօծ սառնորակ գետակները: Փչում է մեղմօրոր քամի, և մեղմորեն օրորվում են ցորենի հուռթի ցանքատարածությունները:
   Որքա՜ն են սիրում հայերն իրենց բնօրրանը, ինչպես են տնօրինում երկրի բածտը և ամեն ինչ անում հօգուտ նրա բարգավաճման: Հոգուդ մեջ ուռճանում է հարգանքն այդ կենսախինդ ժողովրդի նկատմամբ, և հօդս է ցնդում այս մտավախությունը, թե իր հողին արմատներով կառչած և քնքշորեն կապված Հայկա զարմը երբևէ կարող է պարտվել: Եթե անողոք  դարերը ծնկի չբերեցին այս համար ցեղին, էլ ի՞նչը նրանց կարող է ընկճել: 
      Ինքնաթիռն սկսում է վայրէջքը: Պարզորոշ գծագրվում են երկվորյակ քույրեր Մասիսները, տարորշվում են նորաոճ շենքերը, օրեցօր ընդարձակվող Երևանը:
   Մեզ դիմավորում է նախօրոք պատվիրված ավտոմեքենան, և մենք ուղեվորվում ենք դեպի քաղաքի կենտրոնում գտնվող գիշերօթիկ դպրոցի շենքը, որը պիտի դառնա մեր հնգօրյա օթևանը: 
Է-ե

Դողէրոցք,էջանշան,պատնեշ,գոմեշ,վայքրէջք, էջմիածին, վերելք, առերևույթ,ելևէջ, երակ, առէջ(Ծաղկավոր բույսերի բազմացման արական գործարան, որի մեջ գոյանում է ծաղկափոշին բազկերակ), էական, ելակ, ամենաէական, ամենաերկար, էլեկտրաէներգիա, ելարան, ստորերկրյա. վերելակ,հնէաբան, առերես, աներևակայելի, մանրէաբան,
 էակ, սևանհէկ, Վարդգես, բազմերանգ, մանրէ, ծովեզր, լայնէկրան, պնդերես, որևիցե, Երևանջէկ, հրեշ,
տիեզերք. մեջք, եգիպտացորեն,ինչևէ, ողբերգակ(Ողբերգական դերեր կատարող դերասան) ինչևիցե, ամենաէժան, խուռներամ,երբևէ, աշտե-Երկարակոթ նիզակ, եկեղեցի, եղերերգ (Տխուր բովանդակությամբ քնարական բանաստեղծություն), վերերկրյա, որևէ, գրեթե, 
միջօրե, անէ(Գոյություն չունեցող), աներկբա(Երկբայություն՝ կասկած չհարուցող, անկասկածելի), երբևիցե, կիսաեփ, չէի, չէիր, չէինք, չէր, էլեկտրաեռակցել(Էլեկտրական բոցի միջոցով եռակցում կատարել), երփներանգ, նրբերանգ, գետեզր,  
նրբերշիկ, աներևույթ, ցայգերգ(Գիշերվան նվիրված երգ՝ բանաստեղծություն), աներկյուղ, նորեկ, առօրեական, այժմեական, պոշտոնեական,
 անէական, լայնեզր հովեկ(Ամառային շրջանում շոգ վայրերից ամառանոց եկած մարդ, ամառանոցավոր):

      Միջօրե էր, աներևակայելի շոգ: Վարդգեսը, որ երկար տարիներ չէր եղել հայրենի գյուղում, նորեկի անհագուրդ հետաքրքրությամբզբոսնում էր հարազատ վայրերում: Վերելքներով ու վայրէջքներով ելևէջող ճանապարհը ծանոթ էր նրան: Ահա երփներանգ դաշտերը, ուր արածում են գոմեշների նախիրները, Սևանհէկը, որ առատ էլեկտրաէներգիա է մատակարարում շրջակա գյուղերին: Լսվում է ծաղիկների առէջներից նեկտար հավաքող մեղուների բզզոցը: Ճանապարհից աջ՝ գետեզրին, հնէաբաններ են աշխատում, որոնք մանրէաբանի բծախնդրությամբ զննում են ինչ-որ պեղված բեկորներ:
    Առօրեական հոգսերով, կարևոր և անէական հարցերով տարված՝ տասը տարի չէր այցելել մանկության բնօրրանը և այժմ դողէրոցքով բռնվածի պես տենդագին դիտում էր շուրբոլորը: Երբևէ մտածե՞լ էր, թե այսքան աներկբայորեն կապված է հայրենի գյուղին, երբևիցե անդրադարձե՞լ էր, թե որքան ձգող է ծննդավայրը:
     Ինչևէ, կտրելով բազմերանգ ծաղիկներով պատված բլրակը, հասավ արգավանդ անդաստաններին:



Monday, September 7, 2020

Իմ եսը, կարծիքնը ու զբաղմունքները:


Իմ սիրելի լուսանկարներից:
Լուսանկարը՝  Եվա Բերբերյանի (11-րդ դաս.)


Ողջո՜ւյն, սիրելի ընթերցող, ուզում եմ մի քիչ իմ մասին պատմել քեզ: Հուսով եմ՝ առաջին անգամը չէ, որ կարդում ես պատումներս ու արդեն գիտես անունս, իսկ, եթե առաջին անգամ ես հայտնվել իմ այս փոքրիկ ու բաց հարթակում, ուրեմն՝ բարի գալուստ իմ բլոգ <3  
Ես ակտիվ ու միաժամանակ շատ ալարկոտ, ժպտացող ու շփվող Եվան եմ: Ոնց որ մենակ լավ բաներ ասեցի, հա՞, չէ, դե լավ, ալարկոտ լինելն այդքան էլ դրական կողմ չէր, օրինակ բերեմ, ապրում եմ էս սիրուն, կանչող, հանգիստ Երևանում, բայց հաճախ ալարկոտությունս թույլ չի տալիս դուրս գամ քայլքի :(( Կրթահամալիր գալով մեծացավ իմ ճամփորդելու հանդեպ սերը: Վախկոտ Եվան. չեք հավատա, բայց սիրում է ճամփորդել ու այսօր, 8 ամիս անց, անհամբեր սպասում է անիրական թվացող եռօրյա հրաշքին: Արդեն չորրորդ տարին է լուսանկարում եմ, ճամփորդությունները միշտ լուսաբանում եմ, բնանկարներն ու դիմանկարներն ամենաշատն եմ սիրում: Թիվիի կայքում ունեմ իմ էջը:

 Մի քանի հարց կա, որ ինձ շատ են տալիս ու պետք է անկեղծանամ՝ չեմ սիրում դրանք: Երբ հարցնում են ինչ ես դառնալու, ինչով ես սիրում զբաղվել,  իսկ ես չկողմնորոշված կշեռքի(♎) պես, սառած աչքերով ու բերանս ջուր առած նայում եմ իրենց... Ես սիրում եմ էս կյանքը, սիրում եմ ուղղակի ապրելը, ես այսօր սիրում եմ լրագրողի առոգանությունն ու հրշեջի զգոնությունը, իսկ վաղը կգժվեմ ուտեսներ պատրաստելու ու իրավաբանությամբ զբաղվելու համար: Հա, գիտեմ, որ 12րդ դասարան եմ փոխվել ու արդեն պետք է որոշած նստած լինեի, ամեն դեպքում, նախընտրում եմ ուշ լինի, բայց նուշ լինի: 

Հ. գ. Իսկ մի բան, որը իրոք սիրում եմ, էտ գրելն ա, կարդալը, ավելի ճիշտ, սրտանց գրածն ու սիրուն բաներ կարդալը, որ վերջացնելիս ուզենաս նորից ու նորից կարդալ: Եթե իմ գրածները կարդում ու զգում եմ, որ ծանր են, անհետաքրքիր ու ձգձգվող, չեմ հրապարակում, բայց չեմ էլ ջնջում, որովհետև ինչպես նշեցի կշեռք եմ)) այսօր կարող է չհավանեմ, իսկ վաղը դա դառնա իմ գրած ամենասիրելի  տողերից մեկը: 

Էստեղ դնեմ իմ ամենասիրելի պատումներից, կարդա, եթե ցանկություն ունես <3 

Կյանքից կախված
Դուք լավն եք, մարդիկ
Ուրիշ էինք մենք․․․

Սովորելու տարիները երբեք սահմանված չեն եղել: Ամեն օր ու ամեն պահ սովորում ենք՝ փոքրերից, ծնողներից, բոլորից: Պետք է ուշադիր լինել ու նկատել շուրջդ կատարվող ամեն բան, պետք է բզբզալ, բացահայտել նորությունները, որ ապրես, ոչ թե տեղում դոփես:Ես լավատես մարդ եմ, բայց կյանքը ստեղված չի մենակ լավ բաների համար, անգամ կարելի է ասել, որ վատը գերակշռում է, հատկապես այս տարի: Դեպքերի զարգացումները ստիպեցին կրթության ձևերը փոխել: Իհարկե, մենք շատ արագ ու հեշտ մերվեցինք, մեզ համար սովորական ու ամենօրյա աշխատանք էր տնից կապ հաստատելը ուսուցիչների հետ, բայց ամիսներն անցան ու կարոտը մեծացավ: Անչափ կարոտել ենք մեր միասին անցկացրած ամեն մի րոպեն, մեր կատակներն ու հայացքները: Եվ, երբ հիշում ու պատկերացնում ես, որ քո վերջին դպրոցական տարին է ու դու էլ ամեն առավոտ դպրոց չես գնալու, հասկանում ես, որ ցանկությունդ՝ առկա միջավայրում սովորելու, ավելի է մեծանում:   

Բաներ կան, որոնց առջև մենք անզոր ենք և, եթե խոսքը գնում է առողջության մասին, պետք է ավելի լուրջ վերաբերվել, պատասխանատու լինել ոչ միայն քո, այլ նաև դիմացինիդ համար: Ստեղծված իրավիճակում մի փոքր անհնար է համատեղել զգացմունքներն ու ռեալությունը, կարոտել ենք ու ուզում ենք առկա միջավայր, բայց փակ տարածքներում հարյուրավոր սովորողների հավաքվելը անթույլատրելի է: Փորձում ենք գտնել ոսկե միջինն ու վայելել վերջին տարին: Հեռավար կրթությունը ավելի զգոնացրեց, ինքնակրթությունն առաջին տեղում էր ու ամենամեծ ձեռքեբերումը այս շրջանում ինքնակրթվելն էր, օր ու գիշեր ուսուցիչների հետ կապի մեջ լինելը: 

Ես զգացմունքային, բայց սառը դատող Եվան եմ: Նախընտրում եմ բոլորի հետ լինել հաշտ, չեմ սիրում, երբ շրջապատում կան կեղծավորներ, փորձում եմ կեղծերին տարբերել ու հեռու մնալ բացասական ամեն ինչից))

Monday, August 31, 2020

Դպրոցը կյանքի ձեռքբերում

 Գիտելիքին առաջնային կարևորություն տալով մոռանում ենք արժեքների մասին, որը պետք է սովորեցնի դպրոցը, ավելի ճիշտ ոչ թե սովորեցնի, այլ իր օրինակով ցույց տա կյանքում պետք եկող ու գիտելիքից ոչ պակաս կարևոր արժեքները:

Տնօրեններն ու ուսուցիչները, եթե չեն ստանում սովորողների կողմից սեր ու հարգանք, ուրեմն չեն էլ տալիս:

Եթե կողքից տեսնեք, թե ինչպես է մեր դպրոցի տնօրենը ժպտում ու ձեռքով անում սովորողներին, ինչպես են տնօրենից փախնելու փոխարեն սովորողները վազում ընդառաջ նրա հետ գրկախառնվելու համար, կհասկանաք, որ նա ոչ թե մեր տնօրենն է, այլ ավագ ընկերը, եթե ոչ մեր տարիքի )))

Հարգել ցանկացած տարիքի մարդու կարծիքը, անկեղծ ու բաց լինել բոլորի առաջ, սիրել այն կյանքը, որը դու ապրում ես, մաքրել ու մաքուր պահել շուրջդ, օգնել, չամաչել, ակտիվ ու պատրաստակամ լինել, ճամփորդել միշտ ու անընդհատ բացահայտել, սրանք մեկ տոկոսն են այն ամենի, ինչ ես տեսել եմ Տիարի քայլերում, սովորել իրենից ու մեծացել այդպիսին:

Մինչ կրթահամալիր ընդունվելը սովորել եմ ևս երկու դպրոցում, եթե դա կարելի է այդպես անվանել: Ես ոչինչ չեմ սովորել այնտեղ: Եթե չգայի կրթահամալիր, երբեք չէի սովորի, որ կարող եմ կարծիքս մեջս պահելու փոխարեն՝ բարձրաձայնել, չէի իմանա, որ տնօրենը իր առանձնասենյակում նստելու փոխարեն կարող է հեծանիվով մի դպրոցից մյուսն անցնել, երբեք չէի իմանա, որ մութ սենյակների ներսում փակված լույս սովորողներին պետք է ընդամենը հանել մթությունից և հաջորդ առավոտ արդեն անհամբերությամբ կմտնեն դպրոց, չէի իմանա, որ կյանքում ճիշտը պատերը քանդել ու պատուհաններ դնելն է, թափանցիկություն տարածելը:

Սենյակում նստած տեսնում ես, թե ինչպես է դպրոցդ հյուրընկալում մարզերից կամ տարբեր երկրներից եկած բարեկամներին, ձայնագրիչդ վերցնում ես ու վազում դուրս, սկսում հարցախեղդ անել՝ ինչպիսի՞նն էր դպրոցը, արդյո՞ք էլի կգաք... և հարցերի մեջտեղում սկսում ես քեզ տեսնել ապագայում՝ լրագրողի դերում: Սա է դպրոցը, սովորեցնում է ինչպես սովորել:

Եվ հիմա, երբ սկսում եմ իմ վերջին տարին այս դպրոցում, անկասկած չեմ փոշմանում կրթահամալիր գալու որոշման համար: Երրորդ դասարանում, երբ առաջին անգամ եկա Նոր դպրոց, տեսա առավոտյան պարապմունքը, որտեղ պարում, երգում ու առավոտյան մարզանք էին անում սովորողները ու, որ ինձ համար զարմանալի էր՝ նաև ուսուցիչները: Փորձեցի պարել: Սկսեցի լացել: Չէր ստացվում: Հիմա, 9 տարի անց, ես կանգնում եմ մար-մարյա սրահում ու սովորեցնում մեր պարերը լացող ու զարմացած փոքրիկներին:

Ամեն ինչ կանեի այս տարիները նորից ապրելու համար...

Վերջին տարին է, որքան հնարավոր է պետք է վայելել, քանի որ այսպիսի միջավայր, ցավոք, դեռ ուրիշ տեղ չունենք:

Հ.գ. Ավարտել չի նշանակում դադարել Սեբաստացի լինելուց ))) Ես Սեբաստացի եմ իմ կյանքում, իմ քայլերով, մտածելակերպով և միշտ:



Friday, July 17, 2020

Ճամբարային նախագիծ

Գյուղ Մովսես
Լուսանկարը՝ Եվա Բերբերյանի

Ճամբարային նախագիծ Տավուշի երեխաների համար
Հուլիսի 19-25
Կազմակերպիչ՝ Երևանի «Մխիթար Սեբաստացի» կրթահամալիր
Համակարգողներ՝
Եվա Բերբերյան(12-րդ դասարան), Վիկտորյա Սուքիասյան(11-դասարան)

Friday, June 12, 2020

«Պարմանի»-ի առաջին քայլերը

Նախագիծ՝ «Պարմանի»

Միասին ուսումնասիրենք ամսագրերի պատմությունն ու 
իմանանք ամենակարևորը՝ նրանց մասին։

  • Ամսագիրը պարբերական հրատարակություն է, որը լույս է տեսնում ամիսը մեկ անգամ:
  • Առաջին ամսագիրը հրատարակվել է Գերմանիայում  «Erbauliche Monaths Unterredungen» անունով։ Ամսագրի առաջին համարը լույս տեսավ 1663 թվականին:
  • Հայկական առաջին ամսագիրը եղել է  «Ազդարարը», որը լույս է տեսել Հնդկաստանի Մադրաս քաղաքում, 1794 թվականին
  • Forbes-ը թերևս ամենահայտնի ամսագիրն է աշխարհում։ Այն ֆինանսա-տնտեսական ամսագիր է, որը հրատարակվում է ԱՄՆ-ում 1917թ.-ից:




Կարծում եմ ամսագրերը անկում են ապրել, քանի որ համացանցը մեզ հնարավորություն է տվել տեղականալու ամեն ինչի մասին։ 

Նախագիծ՝ «Պարմանի»

Նախագիծ՝ «Պարմանի»
Ժամկետը՝ շուրջտարյա

Մասնակիցները՝ ավագ դպրոցի սովորողներ
Նախագծի կառուցվածքը
  •        Ներածություն
  •        Նպատակը
  •        Խնդիրները
  • ·       Ընթացքը
  • ·       Արդյունքները


Ներածություն

Անձը անհատն է, ով անընդհատ շփման կարիք ունի, որոշակի տեղեկատվության անհրաժեշտությունը: Ըստ էության, մարդը ստանում է այդ տեղեկատվությունը հեռուստատեսության, հեռարձակման, համացանցի և պարբերականների աղբյուրներից: Դրանցից վերջինը, այսինքն `պարբերականները, միշտ ակտիվորեն շփվում են արտաքին աշխարհի հետ. Նորերը հայտնվում են, հները անհետանում են կամ փոխում են իրենց հայեցակարգը կամ կողմնորոշումը:

Ինչպիսի՞  ամսագիր ենք ստեղծում
Մեր ամսագիրը էլեկտրոնային է, ոչ ծավալուն,  գունազարդ և հետաքրքիր։
Ապագա դիզայներ-նկարիչ սովորողները կգունազարդեն, կնկարեն ամսագիրը՝ տեքստին համապատասխան։
Ամասագիրը կունենա հետադարձ կապ։

Նախագծի հեղինակներ՝ Եվա Բերբերյան, Անուշ Թադևոսյան
Խորհրդատու՝ Սոֆյա Այվազյան

Նախագծի նպատակը.
Ամսագրերի պատմության ուսումնասիրություն, որպես գրականության տեսակ,
հետազոտական, ստեղծագործական աշխատանքների զարգացում, գրավոր խոսքի հմտությունների զարգացում։

Խնդիր
  • Ձևավորել ամսագիր վարելու մշակույթ։

Արդյունքը
  • Նոր ամսագրի ստեղծում կրթահամալիրում։

  • Ուսումնական ամառվա «Պարմանի» ամսագրի առաջին  համարի հրատարակում։


Աշխատանքի ուղղությունները
  • խմբի անդամների ներգրավում, յուրաքանչյուր սովորող կարող է անդամակցել
  • խմբագիր-սովորողի աշխատանքների կազմում
  •  ձևավորման հետ կապված քննարկումներ
  •  բովանդակության քննարկում


Սկսված աշխատանքներ

  •        Աշխարհի և Հայաստանի ամսագրերը
  •        Ամսագրերի պատմությունը , որպես գրականության տեսակ
  •        Ամսագրերի ստեղծումը
  •        Պատանեկան ամսագրեր և դրա ընթերցողները
  •        Գրական և հասարակական ամսագրեր և դրա ընթերցողները
  •        Նորաձևության ամսագրերի ժամանակակից կյանքը
  •        Ժամանակակից ամսագրի կառուցման առանձնահատկությունները
  •        Ամենաշատ պահանջարկ ունեցող ամսագիրը


Ալեքսանդր Մյասնիկյան

  Ալեքսանդր Մյասնիկյանը ծնվել է   1886 թվականի  փետրվարի 9 ին,    Նոր Նախիջևանում: Կրթությունը ստացել է Մոսկվայի պետական համալսարանում, մասն...